Pas mbledhjes së Këshillit Kombëtar të Partisë Demokratike zyrtare, Lulzim Basha ndan një mesazh.
Ai thotë se pa qëndresën e anëtarëve dhe drejtuesve nga seksioni deri te kryesia e PD-së nuk do të ishin për të ndërtuar të ardhmen.
Basha zotohet për shërbim ndaj njerëzve, që të hapen vende pune për të rinjtë, që të rriten të ardhurat për familjet shqiptare, që ato të kenë arsim dhe shëndetësi më të mirë.
Për këtë nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit.
Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve!
Mirënjohje për secilin prej tyre!
Në mbledhjen e sotme të Këshillit Kombëtar, Lulzim Basha u votua edhe si kreu i grupit parlamentar demokrat.
