Lumi Kir rrezikon të humbasë gjithçka nga natyrshmëria e tij. Mbeturinat urbane dhe inerte kanë pushtuar brigjet e ketij lumi veçanërisht në zonat periferike të qytetit të Shkodrës. Banorët e fshatit Kuç në njësinë administrative Guri i Zi thonë se depozitimi i mbetjeve pranë brigjeve të lumit Kir është një fenomen që vijon prej vitesh, dhe deri tani nuk është marrë asnjë masë.
Hedhja pa kriter e mbeturinave në brigjet dhe shtretërit e lumenjve shihet edhe si një nga faktorët që ndikojnë në dëmtimin e argjinaturave dhe erozionin e tokave në zonat e Nënshkodrës.
