“Me respekt dhe mirënjohje, sot u bashkuam në Sheshin ‘2 Prilli’ për të nderuar kujtimin e heronjve që sakrifikuan jetën për lirinë dhe demokracinë. 34 vite më parë, të rinjtë shkodranë u ngritën kundër shtypjes, duke shkruar një nga kapitujt më të rëndësishëm të historisë sonë. Sot, ne e kujtojmë atë sakrificë si një udhërrëfyes për të ardhmen e Shqipërisë europiane dhe demokratike”, shkruan kandidatja Matija.
Postimi i plotë:
Sot, në Sheshin “2 Prilli”, bashkë me qytetarët e Shkodrës, nderuam kujtimin e heronjve që dhanë jetën për lirinë dhe demokracinë. 34 vite më parë, idealizmi dhe guximi i të rinjve shkodranë u përballën me dhunën e regjimit komunist, por sakrifica e tyre ndezi dritën e një Shqipërie të lirë.
Sot, më shumë se kurrë, është detyra jonë të mbajmë gjallë frymën e atyre që u flijuan për një Shqipëri europiane dhe demokratike.
Lavdi dëshmorëve të 2 Prillit! Shkodra do të mbetet gjithmonë simbol i qëndresës dhe lirisë!
