Në një reagim të drejtpërdrejtë dhe të ashpër ndaj shkeljeve zgjedhore, drejtuesi politik i PD-së, Luçiano Boçi, denoncon publikisht përdorimin e institucioneve shtetërore dhe funksionarëve publikë nga kryeministri Rama në funksion të fushatës elektorale, pikërisht gjatë orarit zyrtar të punës. Ai thekson shkeljen e qartë të Vendimit nr. 9 të KQZ-së dhe i drejtohet SPAK-ut me një thirrje të fortë për veprim, duke e konsideruar këtë sjellje si një krim elektoral që nuk mund të fshihet më pas fasadës së drejtësisë.
Postimi i Luçiano Boçit:
A doni më për SPAK
Rama sot në Shkodër në orar zyrtar (14.00) açik fare nuk heziton të përdorë insitucionet publike dhe funksionarët shtetërorë për fushatë!!!!
Kodi e KQZ (i thënçin) e thotë qartë në vendimin nr. 9:
“Për të zbatuar në praktikë ndalimet e përcaktuara në Kodin Zgjedhor, KQZ ka miratuar Vendimin nr. 9, i cili përcakton rregullat e sjelljes së institucioneve publike gjatë periudhës zgjedhore. Ky vendim ndalon:
• Përdorimin e fondeve, institucioneve dhe mjeteve publike për veprimtari që favorizojnë subjekte zgjedhore.
• Organizimin e aktiviteteve publike.
• Përdorimin e personelit shtetëror për qëllime fushate gjatë orarit të punës.”
Tani që ta kuptojmë mirë:
SPAK çfarë pret që ta hetojë Ramën për krim zgjedhor?
Mos vallë që ky të dalë me patllake në brez?!!
Ja pra KRIMI:
Shkollat, fëmijët që përdoren.
Insitucionet, zyrtarët, asfaltet, paratë, krimi…
Pas kësaj çfarë përralle do i përkundin miletit këta për drejtësi?!
