Temperaturat e larta të ditëve të fundit, i ndjejnë më së shumti edhe moshat e treta. Për shumë problematika që lidhen me moshën e tyre, kujdesi ndaj tyre këto ditë duhet të jetë i shtuar. Në Shtëpinë e të Moshuarve në Shkodër, kjo problematikë nuk ndjehet, sipas drejtorit Fatjon Hoxha.
Vendi ynë është pushtuar nga i nxehti afrikan ditët e fundit.
Krahas përkujdesjes për përballimin e temperaturave të larta, në këtë shtëpi të madhe, të moshuarit mund të marrin edhe shërbime të tjera.
Nga viti në vit, përkujdesja është rritur për banorët e Shtëpisë së të Moshuarve në Shkodër, ndërsa herë pas here, ata janë vizituar edhe nga autoritete të larta qëndrore dhe lokale.
