Bashkë me drejtuesin politik të qarkut Shkodër, Luçiano Boçi, kandidatët Matilda Matian dhe Lilian Idrizin, në Velipojën plot me bukuri natyrore, e cila sot, më shumë se kurrë, ka nevojë për zhvillim dhe kujdes të posaçëm nga shteti.
Me banorët e kësaj zone, që Zoti i ka falur pasuri të pafundme, folëm për programin e PD, ku zhvillimi i turizmit është hartuar si një plan serioz dhe i detajuar ku në qendër është qytetari dhe interesi i tij.
Velipoja nuk mund të jetë më e harruar dhe e lënë pas dore. Angazhimi ynë konkret për zhvillimin e turizmit do t’i sigurojë Velipojës dhe çdo zone turistike mundësi më të mira, më shumë ndihmë dhe mbështetje, për t’u ofruar qytetarëve një turizëm të qëndrueshëm, elitar, jo vetëm disa mujor, por gjatë gjithë vitit.
Me votën e demokratëve dhe të gjithë qytetarëve, pa dasi partiake, me programin e Partisë Demokratike, pas datës 12 maj do të bëjmë të mundur që Velipoja, Shkodra, por edhe e gjithë Shqipëria, t’i shfrytëzojnë resurset e tyre natyrore në turizëm në mënyrën më të mirë dhe më efikase.
Shqipëria madhështore nuk është thjesht një ide në letër, por një plan konkret për ta zhvilluar vendin, Shkodrën, Velipojën dhe çdo cep të Shqipërisë sonë të bukur.
