Kandidati për deputet i Partisë Demokratike, Kliti Hoti, zhvilloi një takim të frytshëm me strukturat e PD-së në Velipojë, së bashku me kryetarin Nikollë Marku. Ai theksoi rëndësinë e organizimit dhe bashkëpunimit për një fushatë efektive që synon një përfaqësim të denjë për zonën. Takimet me banorët pasuan me diskutime të hapura mbi sfidat e përditshme, duke nxjerrë në pah nevojën për një përfaqësim më të afërt dhe më të ndjeshëm ndaj halleve të komunitetit.
Postimi i kandidatit Hoti:
Sot pata një takim shumë pozitiv me strukturat e Partisë Demokratike në Velipojë, së bashku me kryetarin Nikollë Marku. Diskutuam për hapat konkretë të fushatës dhe rrugën drejt një fitoreje që i jep Velipojës përfaqësimin që meriton.
Më pas u ndalëm me Nikollën e Altinin me banorët e zonës, për të dëgjuar shqetësimet e tyre të përditshme – nga infrastruktura dhe energjia, te uji i pijshëm dhe turizmi. Ishte një bisedë e hapur, me shumë sinqeritet dhe dëshirë për ndryshim.
Mirënjohës për mikpritjen dhe për besimin që më përcollën. Velipoja është gati për një përfaqësim të ri, më afër njerëzve dhe më pranë zgjidhjeve.
