Kandidati për deputet i Partisë Demokratike, Kliti Hoti, ndalet në Beltojë për të dëgjuar nga afër zërin e fermerëve, njerëz të palodhur që çdo ditë përballen me vështirësi, por nuk ndalen së punuari me dashuri për tokën. Ata nuk kërkojnë më shumë se ç’u takon me të drejtë: mbështetje dhe dinjitet.
Postimi i kandidatit Hoti:
Një ndalesë në Beltojë, aty ku përditshmëria është e lodhshme dhe e mundimshme për njerëzit që punojnë çdo ditë me djersë dhe dashuri për tokën.
Fermerët e Beltojës nuk kërkojnë lëmoshë. Ata kërkojnë mbështetjen që u takon nga shteti: rrugë të kalueshme dhe subvencione për të rritur prodhimin. Gjithçka është parashikuar në detaje në programin e PD-së për bujqësinë.
Kërkesat e tyre, si ato të çdo fermeri shqiptar, e gjejnë zgjidhjen në alternativën tonë. Më 11 maj, vota e shkodranëve dhe e shqiptarëve do të sjellë ndryshimin e madh dhe të pritshëm për të gjithë!
