Autoritetet malazeze kanë kanë gjetur për 40 pako me marijuanë, me peshë totale rreth 42 kilogramë. Mësohet se disa persona të paidentifikuar dyshohet se kanë kryer trafik droge nga Mali i Zi në drejtim të Shqipërisë.
Mediat malazeze shkruajnë se të dyshuarit kanë marrë lëndën narkotike në krahë dhe kanë tentuar të shkojnë drejt vendit tonë, në Shqipëri. Policia e Podgoricës ka kryer hetime në vendngjarje dhe ka gjetur 40 pakot me marijuanë.
“Për ngjarjen policia malazeze ka njoftuar kolegët nga Shqipëria, të cilët janë duke ndërmarrë aktivitete me qëllim të lokalizimit të këtyre personave dhe zbardhjes të ngjarjes”, thonë nga policia.
