Izet Haxhia ka vendosur të rrëfehet për vrasjen e ish-deputetit Azem Hajdari, ngjarje e ndodhur 23 vite më parë e cila tronditi të gjithë opinionin publik.
Në seancën gjyqësore të zhvilluar ditën e sotme ndaj Haxhisë, ai rrëfen takimet me familjen e Haklajve si dhe mbrëmjen e vrasjes së Azem Hajdarit.
Sipas dëshmisë të siguruar nga News24, Haxhia shprehet se nuk e ka nxjerrë ai në pritë ish-deputetin demokrat.
“Nuk e nxora unë Azem Hajdarin në pritë. Para se të vritej, Hajdari ishte në takim me Sali Berishën. Azemi u njoftua se jashtë PD ishte një mjet me tritol.
Kur e informoi këshilltari, ishte në zyrën e Berishës. Kur doli te makina, Azemi trokiti te xhami. Jaho Mulosmani ishte shofer i makinës, nuk qëlloi.
Ai që qëlloi ishte Fatmir Haklaj. Kur ndodhi ngjarja, unë isha me Halil Haklajn. Unë e Azemi kemi qenë bashkëthemelues të PD.
Jam ndjerë shumë i përdorur. Vrasja u bë për të rrëzuar Fatos Nanon. Fatmir Haklaj më tha se nuk kishte shkuar për të vrarë Azemin.”, tha Haxhia.
