Reshjet e borës vazhdojnë të jenë prezente, ndërsa në zonat malore të territorit të Bashkisë Shkodër është shënuar një ulje e ndjeshme e temperaturave.
* Aksi rrugor Bogë – Theth – Bregu i Lumit: i kalueshëm.
* Aksi rrugor Kir – Shosh: i bllokuar për shkak të shembjeve të dheut dhe reshjeve të borës.
Pas ndërhyrjes së punonjësve të OSHEE, është rikthyer furnizimi me energji elektrike në Njësitë Administrative Rrethina Gur i Zi, Ana e Malit dhe pjesërisht në Velipojë dhe Shalë. Grupet e OSHEE-së vazhdojnë punën në terren për rikthimin e energjisë në zonat ku ka ende probleme, të shkaktuara nga moti i keq, përfshirë reshjet e borës dhe stuhitë e erës.
Kujdes: Në zonat malore, qarkullimi duhet të kryhet vetëm me goma dimërore dhe zinxhirë për të siguruar sigurinë e lëvizjes.
Strukturat e Emergjencave Civile të Bashkisë Shkodër po mbajnë koordinim të vazhdueshëm me Qendrën Kombëtare të Emergjencave për çdo situatë që mund të krijohet nga moti i keq.
