Mesfushori i Manchester United Paul Pogba, ka mohuar lajmet se nuk do të luajë me Kombëtaren e Francës.
Tabloidet britanike kanë qarkulluar disa lajme pas deklaratës së Macron që shprehej se, “feja islame është burimi i terrorizmit ndërkombëtar”.
Megjithatë diçka të tillë e ka mohuar vetë futbollisti, i cili nëpërmjet faqes zyrtare në Instagram, ka bërë me dije se ky është një lajm i rremë, duke i dhënë fund të gjitha dyshimeve.
POSTIMI I POGBA-s
“ The Sun mashtroi përsëri. Absolutisht 100% lajme të pabazuar mbi mua po qarkullojnë, duke deklaruar gjëra që nuk i kam thënë dhe menduar. Unë jam i tmerruar, i zemëruar, i tronditur dhe i irrituar, disa “media” më përdorin për të bërë tituj totalisht të rremë në temën e ndjeshme të ngjarjeve aktuale franceze dhe duke shtuar fenë time dhe Kombëtaren. Unë jam kundër çdo forme terrori dhe dhune. Feja ime është feja e paqes e dashurisë dhe duhet të respektohet. Fatkeqësisht, disa njerëz të shtypit nuk veprojnë me përgjegjësi kur shkruajnë lajmet, duke abuzuar me lirinë e tyre të shtypit, duke mos verifikuar nëse ato që shkruajnë / riprodhojnë janë të vërteta, duke krijuar një zinxhir thashethemesh pa u kujdesur që ndikon në jetën e njerëzve dhe jetën time. Unë jam duke marrë masa ligjore kundër botuesve dhe shpërndarësve të këtyre 100% Fake Neës. Por hej, duket se e bëtë përsëri dhe me një temë shumë serioze këtë herë, turp për ju! Shkruan Pogba në Instagram.
