Forca e Sigurisë së Kosovës kanë shpëtuar një fëmijë të moshës 2 vjeçare nën rrënojat e tërmetit në Turqi. Lajmi është njoftuar nga FSK nëpërmjet një postimi në rrjete sociale ndërsa theksohet se ekipi po përpiqet maksimalisht që të shpëtojë dhe nënën e saj që ka mbetur nën rrënoja.
“Ekipet e Kërkim-Shpëtimit të Forcës së Sigurisë së Kosovës që nga mëngjesi janë duke operuar me kapacitete të plota në Hatay të Turqisë, në orët e mbrëmjes kanë arritur të nxjerrin një fëmijë të moshës dy vjeçare, dhe janë duke bërë përpjekjet maksimale për të shpëtuar edhe nënën e saj që është e ngujuar në rrënoja.
Ekipet tona gjatë operacionit që janë duke realizuar kanë hasur në viktima në objektet e kollapsuara, por prioritet është duke ju dhënë atyre vendeve ku janë detektuar persona të gjallë, dhe të gjitha ekipet e shpëtimit nga mbarë bota kanë dhënë prioritet për të shpëtuar sa më shumë jetë.“, thuhet në njoftim.
