At Zef Pllumi tentoi të arratisej nga Shqipëria nëpërmjet kufirit tokësor në Rrethin e Shkodrës më 27 shtator 1967. Ai që e ndali momentin e fundit ishte tekniku me emrin Marash.
Qarkullon edhe një foto që tregon çastin e ndalimit të At Zef Pllumit në kufi.
Procesverbali “për kapjen e personit të dyshimtë Zef Gjeto Pllumi” u hartua nga kryetari i këshillit popullor të zonës, tekniku i pyjeve që pikasi klerikun, kryetari i kooperativës dhe sekretari i organizatës bazë të partisë.
Tekniku i pyjeve (në foto) e dërgoi At Zefin në Tamarë, ku u arrestua zyrtarisht dhe më pas iu dha dënimi i dytë me 25 vjet burgim. At Zef Pllumi u burgos dy herë në periudhat: 15.10.1946-15.10.1949 dhe 27.9.1967-11.4.1989.
