Vllaznia ndodhet në Elbasan, në prag të sfidës së orës 16.45 ndaj Partizanit, të vlefshme për Superioren. Teksa jemi pak orë para sfidës, nuk mund të mungojnë pak momente relaksi.
Presidenti i Elbasanit, Arben Laze ka takuar në një ambient miqësor stafin e klubit shkodran. Siç duket në foto, aty është edhe trajneri Brdariç, por jo vetëm. Një bisedë e këndshme me numrin një të ekipit të Elbasanit, Laze, pikërisht në këtë qytet.
Vllaznia është e para në renditje me 9 pikë diferencë nga ndjekësit. Synohet vazhdimi me të njëjtin ritëm, duke mos i lënë mundësinë rivalëve të shkurtojnë distancën.
