Egnatia dhe Vllaznia ndanë nga një pikë pas një barazimi dramatik 2-2 në Rrogozhinë, në një ndeshje spektakolare ku nuk munguan emocionet dhe polemikat.
Vendasit dominuan pjesën e parë dhe kaluan në avantazh me golin e Lushkjes, ndërsa shkodranët nuk arritën të rrezikonin seriozisht. Megjithatë, aktivizimi i Grudës në pjesën e dytë ndryshoi ritmin e lojës për Vllazninë, e cila nisi një ofensivë të fuqishme, goditi shtyllën, pati një penallti të anuluar dhe në minutën e 80-të barazoi me Malën.
Egnatia reagoi menjëherë dhe riktheu avantazhin me golin e Fernandos, duke menduar se e kishte mbyllur ndeshjen. Por shkodranët nuk u dorëzuan dhe në minutat e fundit fituan një penallti me Deliun, të cilën Gruda e ekzekutoi saktësisht, duke vulosur një barazim spektakolar mes dy skuadrave.
