Të nderuar sportdashës të Vllaznisë,
Pas ndeshjes së fundit ndaj Teutës, kam vendosur të tërhiqem nga detyra si trajner i Vllaznisë. Ky ka qenë një vendim i vështirë, por i marrë me qëllimin më të mirë për ekipin dhe të ardhmen e tij.
Jam krenar që kam pasur mundësinë të jem pjesë e kësaj skuadre të madhe, që përfaqëson jo vetëm Shkodrën, por edhe pasionin dhe traditën e basketbollit shqiptar.
Ndërsa largohem nga ky post, mbetem gjithmonë pjesë e familjes së madhe të Vllaznisë. Falenderoj lojtarët, stafin dhe tifozët për mbështetjen e tyre të palodhur. Ju siguroj që zemra ime do të jetë gjithmonë me këtë ekip dhe me këtë qytet që dua pa masë.
Me respekt dhe mirënjohje,
Damian Bekteshi
