Qëllimi kryesor i mandatit të tij të tretë presidencial duket se do të arrihet 60 ditë pas raundit të dytë të zgjedhjeve në vendin e tij, presidenti turk Rexhep Tajip Erdogan ka takuar dje njeriun e fortë të Emirateve të Bashkuara Arabe, Sheikh Mohammed Bin Zayed Al Nahyan. Duke përfunduar një turne me vizita, ndër të tjera, në Katar, Arabinë Saudite dhe Emiratet e Bashkuara Arabe, presidenti turk siguroi një injeksion të fuqishëm stimulues të likuiditetit që po ndryshon në mënyrë dramatike peizazhin për ekonominë e lëkundur të Turqisë.
Në veçanti, Erdogan rikthehet me 50 miliardë dollarë marrëveshje në bagazhet e tij nga Emiratet në Ankara, duke zgjidhur ngërçin e paprecedentë, në të cilin e kishte një lloj “rrethimi” ndërkombëtar, por edhe rënia e lirës turke. Këtij zhvillimi i parapriu lëvizja inteligjente e lejimit të të Suedisë në NATO, duke dërguar ndër të tjera një sinjal në tregjet ndërkombëtare.
Erdogan u kujdes që në ditët e para të rizgjedhjes të bënte disa komunikime fillestare me vendet e Gjirit duke matur disponimin, pasuar me aktin ndaj Suedisë, gjë që dha tjetër dimension Turqisë, duke e bërë faktor tq fuqishëm dhe vendet e Gjirit.
Pas këtyre, presidenti i Turqisë dhe njeriu i fortë i Emirateve të Bashkuara Arabe kanë nënshkruar dje 13 marrëveshje me vlerë që i kalon 50 miliardë dollarët, ndërsa kanë paralajmëruar krijimin e një këshilli strategjik. Për më tepër, të dy palët ranë dakord për krijimin e një Këshilli Strategjik të Nivelit të Lartë të kryesuar nga liderët respektivë.
Sa i përket fushave të politikave që Turqia dhe Emiratet e Bashkuara Arabe, ato përfshijnë thellimin e bashkëpunimit të tyre në aspekte të tilla si: energjia, transporti, infrastruktura, logjistika, tregtia elektronike, financa, shëndetësia, ushqimi, turizmi, pasuritë e paluajtshme, ndërtimi, industria e mbrojtjes, inteligjenca artificiale dhe teknologjitë e avancuara. Shuma totale e 13 marrëveshjeve që janë nënshkruar arrin në 50.7 miliardë dollarë. Marrëveshjet, siç theksohet nga Al-Monitor, vijnë si shtesë e marrëveshjes tregtare të nënshkruar në mars, e cila vlerësohet në 40 miliardë dollarë.
Në të njëjtën kohë, presidenti turk shoqërohej nga një delegacion i madh i kabinetit, duke përfshirë ministrin e Jashtëm Hakan Fidan dhe ministrin e Mbrojtjes Yasar Guler, si dhe rreth 200 biznesmenë. Në deklaratat e tij, siç raporton Anadolu, Erdogan shprehu gëzimin e tij për vizitën sërish në Abu Dhabi. Ai gjithashtu theksoi se marrëdhëniet mes dy vendeve do të kenë arritur nivelin e partneritetit strategjik me memorandumin e përbashkët të mirëkuptimit që do të nënshkruhet.
Madje ai paralajmëroi një Forum Tregti dhe Investime për vjeshtën, ndërsa vuri në dukje praninë e Forcave Ajrore të Emirateve të Bashkuara Arabe në stërvitjen ndërkombëtare Anatolian Eagle 2023 me 4 F16 dhe 80 personel.
Kjo është vizita e parë rajonale e Erdoganit që nga rizgjedhja e tij në maj, me synimin për të rigjallëruar ekonominë e vendit të tij.
Pas vitesh rivaliteti, marrëdhëniet turko-emiratase janë përmirësuar ndjeshëm që nga viti 2021, si pjesë e një “ofensive” nga Turqia për të përmirësuar marrëdhëniet me ish-rivalët rajonalë si Emiratet, Saudinë, Egjiptin dhe Izraelib. Qëllimi, në një masë të madhe, është tërheqja e kapitalit të huaj, pasi Turqia përballet me një situatë të vështirë ekonomike.
Tregtia totale midis Emirateve të Bashkuara Arabe dhe Turqisë (pa përfshirë naftën) arriti në 19 miliardë dollarë në vitin 2022, 40% më shumë se një vit më parë dhe 112% nga viti 2020 në 2021. Marrëveshja e marsit është vendosur gjithashtu të rrisë eksportet e Emirateve të Bashkuara Arabe në Turqi me 21.7%. /tesheshi.com/
