Ish kryeministri Sali Berisha dhe presidenti Ilir Meta, duket se kanë vendosur që të thyejnë rregullat e vendosura nga kryeministri Edi Rama, për parandalimin e Covid 19, dhe janë shfaqur duke drekuar së bashku këtë pasdite.
Dy politikanët e lartë të shtetit shqiptar, dikur aleatë në bashkëqeverisjen e vendit nga viti 2009-2013, kanë vendosur të takohen ditën e sotme, ndërkohë që ende nuk janë bërë të ditura detaje e drekës midis tyre.
Meta dhe Berisha shihen teksa bëjnë një foto selfie së bashku, ndërkohë që takimi i tyre duket shumë miqësor, megjithëse ende nuk dihet se çfarë po kurdisin dy ish-aleatët.
Siç duket pas përfundmit të pandemisë së COVID 19, e cila ka ndërprerë hovin e politikës, priten zhvillime të reja në këtë sferë në vendin tonë.
Fotoja është publikuar në Instagram nga gazetari Çim Peka, i cili ka shkrepur një selfie, ku shihet edhe Meta me Berishën të cilët po ashtu po bëjnë një foto bashkë./Faxweb/
