Gjykata e Apelit ka vendosur këtë të enjte të pushojë dosjen e Lulzim Bashës dhe dy zyrtarëve të tjerë të PD-së, Arben Ristani dhe Ilir Dervishi për çështjen e lobimit me paratë ruse në SHBA.
Pas shqyrtimit te dosjes dhe pa prezencën e dy palëve , apeli vendosi të lejë në fuqi vendimin e shkallës së parë.
Më herët gjatë ditës, avokati i Bashës, Eduart Halimi tha se në seancë prokuroria nuk paraqiti asnjë provë të re.
Lulzim Basha u akuzua gjatë vitit 2017 për falsifikim të dokumenteve pasi sipas prokurorisë nuk kishte bërë deklarimin e shumës pranë komisionit qendror të
Zgjedhjeve, që u përdorën për lobimin në SHBA.
Gjykata e Tiranës në gjyqin paraprak që u zhvillua me 13 janar vendosi pushimin e çështjes por prokuroria e ankimoi atë në apel, që tashmë e rrëzoi përfundimisht akuzën.
