Nga data 6 dhjetor, rregullat për të udhëtuar drejt SHBA-së do të ndryshojnë. Lajmi është bërë i ditur nga ambasada amerikane në vendin tonë, e cila nëpërmjet një postimi në rrjete sociale ka përditësuar rregullat e reja.
Njoftimi:
Të gjithë udhëtarët ajror jo-imigrantë dhe jo-shtetas amerikanë për në Shtetet e Bashkuara duhet të jenë të vaksinuar plotësisht dhe të japin prova të statusit të vaksinimit përpara se të hipin në një aeroplan për në Shtetet e Bashkuara. Duke filluar nga 6 dhjetori 2021, të gjithë pasagjerët e ajrit, pavarësisht nga statusi i vaksinimit, duhet të japin prova të një testi negativ për COVID-19 të bërë jo më larg se një (1) ditë përpara fluturimit të tyre për në Shtetet e Bashkuara. Ju lutemi, konsultohuni me udhëzimet e CDC-së për Kërkesat e Udhëtimit Ndërkombëtar për të mësuar më shumë rreth këtij ndryshimi, ose kërkesave të tjera të veçanta që mund të zbatohen për ju. Përjashtimet mund të jepen vetëm nga CDC dhe do të konsiderohen në një bazë jashtëzakonisht të kufizuar. Ju lutemi vizitoni faqet e internetit të CDC për më shumë informacion rreth përjashtimeve dhe kërkesës për vërtetim të testit negativ të COVID-19 ose rikuperimit nga COVID-19 për të gjithë pasagjerët ajror që mbërrijnë në Shtetet e Bashkuara.
Testimi mund të kryhet në Shqipëri ose në ambientet e aeroportit ndërkombëtar të Tiranës me pagesë.
