Alkida Llakaj ka marrë drejtimin e Drejtorisë së Përgjithshme të Metrologjisë, duke sjellë me vete një përvojë 14-vjeçare në institucione të rëndësishme publike. Ekspertiza e saj përfshin auditimin, mbikëqyrjen institucionale dhe përmirësimin e qeverisjes publike.
E diplomuar në State University of New York dhe Universitetin e Tiranës, ajo ka përfunduar një MSc në Politika dhe Qeverisje në Europë, si dhe ka ndjekur studime të avancuara doktorale. Me këtë formim akademik dhe profesional, Llakaj synon të forcojë standardet metrologjike dhe të rrisë transparencën institucionale në institucionin që tashmë drejton.
Ky emërim shënon një hap të rëndësishëm drejt përmirësimit të sistemeve të matjeve dhe garantimit të cilësisë në sektorin metrologjik në Shqipëri.
