Të gjitha subjektet tregtare që operojnë në zonat turistike do të jenë në monitorimin e AKU-së, lidhur me respektimin e kushteve higjeno – sanitare dhe cilësisë.
Drejtori i AKU Shkodër, Ramir Haderi, thotë se është operuar me detyra paralajmëruese si fillim, për të vijuar me masa administrative gjobë në rast se për të dytën herë konstatohen shkelje.
Drejtori Haderi deklaron se nuk do të ketë tolerime, ndaj subjekteve që nuk zbatojnë ligjin.
Stina e verës është ndër më problematiket, pasi me rritjen e frekuentimit të zonave turistike shtohen edhe subjektet që operojnë e për pasojë nevojitet që kontrollet të jenë më të rrepta.
