Pas takimit me përfaqësues të biznesit të vogël në qytetin e Shkodrës, kreu i PD, Lulzim Basha, i pyetur nga gazetarët nëse do të pranonte të ulej në tryezë me kryeministrin Edi Rama për situatën e pandemisë, u shpreh se asnjë ditë nuk ka bërë politikë me pandeminë.
Kryedemokrati akuzoi qeverisë se nuk ka dëgjuar propozimet e opozitës.
“Për asnjë ditë të vetme PD dhe unë nuk kemi bërë politikë me pandeminë. Jemi të parët që kemi propozuar p,anin. Është e qartë se ata që kanë përgjegjësinë për të ndihmuar njerëzit nuk po bëjnë këtë, por duan të heqin vëmendjen nga pandemia. Unë kurrë politikën nuk e kam parë si qëllim në vetvete, Mendoj se edhe në opozitë mund tu shërbejnë njerëzve. Por të na kishin dëgjuar të jeni të sigurt se edhe gjendja e infeksioneve nuk do ishte kështu. Për rrjedhojë edhe numri i të sëmurëve. Gjendja nuk përballet duke u fshehur pas gishtit. Të gjithë e dimë që numri i atyre që humbin jetën në spitale por edhe jashtë është shumë i madh. Të shkunden nga propaganda. Pyetja që shtroj sot është edhe sa njerëz duhet të vdesin dhe sëmuren?”, theksoi kryedemokrati.
